Сэвтээ нь үгүй сэтгэл

Үг: Д. Цэдэв Ая: Н. Жанцанноров

Am                Em    Am

Цэн цэнгий зэллээ шиг өнгөрөх

C                      G        C

Цаг цагийн урсгалд нь болбол доо хө

C           Am   Am7      Dm

Сэргэлэн цовоо чамайгаа гэсэн

C                    Em  Em7   Am 

Сэтгэлийн толин сэвтээ нь үгүй еэ

Хөсөг хөсгийн хөврөө шиг өнгөрөх

Хоног хоногийн урсгалд нь болбол доо хө

Эелдэг даруу чамайгаа гэсэн

Итгэлийн сүлдэн сэвтээ нь үгүй еэ

Хун хунгийн цуваа шиг өнгөрөх

Сар сарын урсгалд нь болбол доо хө

Ялдам дөлгөөн чамайгаа гэсэн

Янагийн наран хиртээ нь үгэй еэ

Жин жингийн жигдрээ шиг өнгөрөх

Жил жилийн урсгалд нь болбол доо хө

Хайлган цайлган чамайгаа гэсэн

Халамжийн илчин хариа нь үгүй еэ